Ofbeldi
Heimilisofbeldi

Heimilisofbeldi

Heimilisofbeldi er þegar sá sem beitir ofbeldinu er skyldur eða tengdur þér, til dæmis maki, fjölskyldumeðlimur eða umönnunaraðili. Ofbeldi getur átt sér stað óháð kyni, aldri, kynhneigð eða öðru. Þegar aðilinn sem beitir ofbeldinu er maki eða fyrrverandi maki þá er það kallað ofbeldi í nánu sambandi.

Hvað er heimilisofbeldi?

Heimilisofbeldi er ofbeldi í nánu sambandi.
Það er ofbeldi sem einstaklingur sem ætti að vera örugg manneskja beitir. Manneskjan getur verið maki, foreldri, fósturforeldri, barn, systkini eða annar náinn fjölskyldumeðlimur.
Gerandi og þolandi þurfa ekki að búa saman eða vera giftir.
Ofbeldið þarf ekki að gerast innan heimilisins.
Ofbeldið getur verið til dæmis andlegt, líkamlegt, kynferðis, fjárhagslegt, stafrænt eða heiðursofbeldi.
Algengt er að nauðungarstjórnun sé beitt.

Heimilisofbeldi er ólöglegt og er tekið alvarlega af lögreglu og dómsstólum (réttarkerfinu).

Leiðarvísir um fyrir þolendur heimilisofbeldis

Skoða leiðarvísir

Birtingarmyndir heimilisofbeldis

Kona situr á gólfinu. Hugur hennar er í ójafnvægi.

Andlegt ofbeldi

Andlegt ofbeldi er þegar einhver hótar þér, gerir lítið úr þér eða lætur þér líða illa. Það getur verið bæði með orðum og hegðun.

Lesa meira

Líkamlegt ofbeldi

Líkamlegt ofbeldi er það þegar einhver meiðir þig, til dæmis klípur, sparkar, hrindir eða lemur þig. Hótun eða ógnun um að meiða er einnig líkamlegt ofbeldi.

Lesa meira

Kynferðisofbeldi

Kynferðisofbeldi er það þegar einhver fær þig til að gera eitthvað kynferðislegt sem þú vilt ekki gera. Eins og ef einhver káfar á þér eða áreitir þig á kynferðislegan hátt.

Lesa meira

Manneskja horfir á símann sinn sem sýnir ólæsileg skilaboð. Hún snýr baki í okkur svo við sjáum á símann í höndunum á henni. Mikið liðað hár sveiflast í vindinum.

Stafrænt ofbeldi

Stafrænt ofbeldi, eða netofbeldi, er það þegar einhver notar tæki eða tækni til að fylgjast með þér, ógna þér, áreita þig eða niðurlægja þig.

Lesa meira

Fjárhagslegt ofbeldi

Fjárhagslegt ofbeldi er þegar einhver svíkur af þér peninga, tekur peninga þína af þér eða neitar að láta þig fá peningana þína.

Lesa meira

Vanræksla á fullorðnum

Vanræksla er þegar einhver sinnir ekki þörfum hjálparvana einstaklings, til dæmis barni, fatlaðri manneskju eða eldri manneskju.

Lesa meira

Eltihrellir

Ef einhver situr um þig endurtekið, eltir þig, hótar eða fylgist með þér er sá eltihrellir (e. stalker) og kallast þessi hegðun umsáturseinelti.

Lesa meira

Trúarofbeldi

Þegar einhver notar andlega vinnu eða trúarbrögð til að hræða þig, særa þig eða stjórna þér kallast það trúarofbeldi.

Lesa meira

Manneska situr á hnjánum á gólfinu. Hún er leið á svip, með lokuð augun og höfuðið lítur niður til jarðar.

Heiðursofbeldi

Heiðursofbeldi er þegar einhver beitir þig ofbeldi til að verja heiður fjölskyldunnar, oft náinn ættingi. Þegar heiður er settur ofar mannréttindum þínum, þá er það ofbeldi.

Lesa meira