Heimilisofbeldi er þegar einhver sem er skyldur eða tengdur þér, til dæmis foreldri, stjúpforeldri, fullorðið systkini eða forsjáraðili, beitir þig eða fjölskyldu þína ofbeldi.
Þótt þetta sé kallað heimilisofbeldi þarf það ekki að gerast heima hjá þér, það getur líka gerst á ferðalagi eða á öðrum stöðum. Stundum býr fólk saman en það þarf samt ekki. Ofbeldið getur verið alls konar, til dæmis líkamlegt, kynferðislegt eða andlegt. Það er líka ofbeldi að þurfa að horfa á aðra beita ofbeldi heima hjá sér.
Ef einhver í fjölskyldunni þinni er að beita þig eða einhvern annan í fjölskyldunni ofbeldi áttu að segja frá. Þá geturðu fengið hjálp. Samkvæmt lögum eiga fullorðnir að passa upp á börn og láta barnavernd vita ef eitthvað er að.
Það er gott að finna einhvern fullorðinn sem þér finnst gott að tala við. Ef þú vilt tala við einhvern annan en fjölskylduna þína geturðu til dæmis talað við:
Sjúkt spjall er nafnlaust netspjall fyrir ungmenni af öllum kynjum (yngri en 25 ára) til að ræða áhyggjur af samböndum, samskiptum eða ofbeldi.
Hjá barnavernd vinnur fólk við að hjálpa börnum og fjölskyldum til að passa að börnum líði vel og séu örugg. Lögreglan og barnavernd vinna saman til að stöðva ofbeldi og tryggja öryggi barna.
Lögreglan lætur barnavernd alltaf vita ef það er grunur um ofbeldi á heimili þar sem barn býr. Starfsmaður frá barnavernd er með þér í gegnum allt ferlið í réttarkerfinu til að passa upp á réttindi þín og öryggi.
Réttarkerfi er eitt orð yfir lögreglu, ákæruvald (saksóknara eða lögreglustjóra) og dómstóla. Þegar heimilisofbeldi er tilkynnt til lögreglu fer fram rannsókn, síðan ákveður ákæruvaldið hvort málið verði sent til dómstóla.
Þessi leiðarvísir reynir að útskýra hvað gerist í réttarkerfinu fyrir börn (yngri en 18 ára).
