Foreldrahús
Foreldrahús veitir börnum, unglingum og foreldrum ráðgjöf, meðal annars vegna áfengis- og vímuefnaneyslu unglinga, áhættuhegðunar og hegðunarvanda. Foreldrasíminn 581 1799 er opinn allan sólarhringinn.
Stuðningur og valdefling foreldra á erfiðum tímum
Foreldrahús er heildstætt úrræði sem veitir ráðgjöf vegna:
- áfengis- og vímuefnaneyslu unglinga
- uppeldis- og sálfræðiráðgjöf vegna áhættuhegðunar og hegðunarvanda
- fjölskylduráðgjöf
- listmeðferð fyrir börn, unglinga og foreldra þeirra.
Foreldrahús sinnir líka ráðgjöf vegna fjölbreyttari vanda barna, unglinga og fjölskyldu í heild sinni. Má þar nefna:
- einelti
- félagslega erfiðleika
- vanlíðan
- kvíða
- námskeið fyrir foreldra sem vilja styrkja sig í uppeldishlutverkinu
Foreldrahús tekur á móti öllum sem leita til þeirra. Það skiptir miklu máli fyrir þroska og velferð barna og unglinga að bregðast við vanda sem fyrst.
Ráðgjafar tala íslensku, ensku, sænsku og dönsku. Þú getur fengið táknmálstúlkun og tungumálatúlkun í samstarfi við félagsþjónustu eða barnavernd ef þarf. Það er ekki aðgengi fyrir hjólastól á skrifstofunni.
Þú getur sent þeim tölvupóst á foreldrahus@foreldrahus.is til að fá ráðgjöf eða bóka tíma með ráðgjafa. Þú getur líka hringt alla virka daga frá 9 til 4 til að fá ráðgjöf í síma 511 6160. Foreldrasíminn 581 1799 er neyðarsími sem er opinn allan sólarhringinn. Þar veita vímuefna- og foreldraráðgjafar foreldrum ráðgjöf og stuðning.
Símanúmer
Heimilisfang
Suðurlandsbraut 50, bláu húsin Skeifunni. Skoða á kortiTölvupóstur
Vefsíða
Aðgengi
Ekki aðgengi fyrir hjólastól.Tungumál
Íslenska, English, dansk, svenska. Tungumála- og táknmálstúlkun á vegum tilvísunaraðila.
Hringdu í Foreldrasímann fyrir ráðgjöf og stuðning allan sólarhringinn.
Áhættuhegðun barna og unglinga
Ef barn hegðar sér á einhvern hátt sem skaðar, eða er líklegt til að skaða, heilsu þess og þroska kallast það áhættuhegðun. Þetta er ekki bundið einhverjum vandræðaheimilum heldur geta allar fjölskyldur lent í þessu.
Hvernig er hægt að stöðva einelti?
Breytt hegðun og líðan barns geta verið vísbendingar um að það sé lagt í einelti. Það er mjög áríðandi að við öll þekkjum einkenni eineltis.
