Að kúga fólk til að gera eitthvað, til dæmis senda sér nektarmyndir eða peninga er ólöglegt.
Að dreifa nektarmyndum af fólki sem ekki hefur gefið til þess leyfi er líka ólöglegt og kallast stafrænt kynferðisofbeldi.
Ef þú eða einhver sem þú þekkir eru í samskiptum við aðila sem er að hóta þér þá mælum við með að:
- Vista samskiptin og allar upplýsingar sem ykkur dettur í hug (svo sem vinalista viðkomandi og notendanafn).
- Hætta samskiptunum.
- Fá stuðning frá fagaðilum. Fólk sem verður fyrir sæmdarkúgun eða ástarsvikum getur upplifað mikla vanlíðan, niðurlægingu, skömm og áhyggjur.
- Hafa samband við lögregluna. Lögreglan er í alþjóðlegu samstarfi sem þýðir að þó að sá sem þú ert í samskiptum við sé erlendis eða felur sig á bakvið óþekkt notendanafn þá geta þau samt fundið hver hann er.
- Ef viðkomandi hefur undir höndum nektarmyndir eða annað myndefni sem þið viljið ekki að sé í dreifingu er hægt að takmarka eða stoppa dreifinguna.
