Bjarkarhlíð
Bjarkarhlíð í Reykjavík veitir fólki sem hefur orðið fyrir ofbeldi stuðning og ráðgjöf í hlýlegu umhverfi. Þar geturðu fengið alla aðstoð á einum stað, eins og frá lögreglu, lögfræðingi og öðrum hjálparsamtökum.
Miðstöð fyrir þolendur ofbeldis og mansals
Ef þú eða einhver sem þú þekkir hefur orðið fyrir ofbeldi getur þú talað við ráðgjafa í Bjarkarhlíð. Þar er boðið upp á áfallamiðaða ráðgjöf, stuðning og upplýsingar fyrir þolendur ofbeldis af öllum kynjum, 18 ára og eldri. Öll aðstoð er á einum stað óháð kyni, uppruna eða félagslegri stöðu. Á staðnum er hægt að ræða við lögreglu, lögfræðinga og önnur samtök sem geta hjálpað. Öll eru velkomin og það kostar ekkert að koma. Öll aðstoð er á þínum forsendum.
Ef þig grunar að þú sért þolandi mansals, eða að þú vitir um einhvern í mansali er hægt að fá að tala við sérstakan ráðgjafa í mansalsmálum.
Í Bjarkarhlíð er hægt að komast í hjólastól. Þú getur fengið táknmálstúlkun og tungumálatúlkun ef þú þarft.
Bjarkarhlíð er á Bústaðarvegi í Reykjavík. Þar er opið á virkum dögum frá 8:30 til 16:30. Best er að bóka tíma gegnum vefsíðuna þeirra eða með því að hringja í síma 553 3000. Þú getur líka sent þeim tölvupóst.
Símanúmer
Heimilisfang
Bústaðavegi, 108 Reykjavík. Skoða á kortiTölvupóstur
Vefsíða
Aðgengi
Gott aðgengi fyrir hjólastólaTungumál
Íslenska, English. Tungumála- og táknmálstúlkun.
Bjarkarhlíð hjálpar öllu fólki sem hefur orðið fyrir ofbeldi. Þar er tekið vel á móti þér
Öll þjónusta á einum stað
Í Bjarkarhlíð geta þolendur ofbeldis geta komið á einn stað og fengið alla þá þjónustu sem þeir þurfa. Þar er hægt að tala við lögreglu, lögfræðinga, ráðgjafa Kvennaathvarfsins og fleiri samtaka. Bjarkarhlíð er fyrir öll 18 ára og eldri af öllum kynjum og er ókeypis.
Andlegt ofbeldi
Andlegt ofbeldi er þegar einhver hótar þér, gerir lítið úr þér eða lætur þér líða illa. Það getur verið bæði með orðum og hegðun.
