Kvennaráðgjöfin
Kvennaráðgjöfin er ókeypis lögfræði- og félagsráðgjöf fyrir konur.
Ókeypis lögfræðiráðgjöf
Ef þig vantar lögfræðiaðstoð vegna ofbeldismáls geturðu talað við ráðgjafa hjá Kvennaráðgjöfinni. Kvennaráðgjöfin veitir konum stuðning og ráðgjöf en ráðgjöfin er líka opin körlum. Ráðgjöfin kostar ekki neitt. Ekki þarf að gefa upp nafn eða aðrar persónuupplýsingar til að fá ráðgjöf.
Kvennaráðgjöfin er á 2. hæð en það er ekki lyfta í húsinu. Ef þú ert í hjólastól þarftu að taka það fram og þá er tekið á móti þér á 1. hæð. Kvennaráðgjöfin borgar ekki fyrir táknmálstúlk. Ef þú þarft tungumálatúlk er leitað hjálpar hjá WOMEN (samtökum erlendra kvenna á Íslandi) sem eru í sama húsi.
Kvennaráðgjöfin er á Túngötu 14 (Hallveigarstöðum) í Reykjavík. Opnunartímar eru þriðjudaga frá 20 til 22 og fimmtudaga frá 14 til 16. Það má bæði koma á staðinn og hringja í síma 552 1500.
Símanúmer
Heimilisfang
Túngata 14, 101 Reykjavík. Skoða á kortiTölvupóstur
Aðgengi
Láttu vita fyrirfram ef þú ert í hjólastól.Tungumál
Tungumálatúlkun. Ekki táknmálstúlkun.
Kvennaráðgjöfin býður upp á ókeypis lögfræði- og félagsráðgjöf vegna ofbeldismála.
Stafrænt ofbeldi
Stafrænt ofbeldi, eða netofbeldi, er það þegar einhver notar tæki eða tækni til að fylgjast með þér, ógna þér, áreita þig eða niðurlægja þig.
Heiðursofbeldi
Heiðursofbeldi er oft dulið, því sá sem beitir ofbeldinu er yfirleitt náinn ættingi sem telur að þolandinn muni eða hafi vegið að heiðri sínum eða fjölskyldunnar.
