Neyðarmóttaka á Akureyri vegna kynferðisofbeldis
Neyðarmóttakan á sjúkrahúsinu á Akureyri tekur á móti öllum þeim sem hafa orðið fyrir nauðgun, tilraun til nauðgunar eða öðru kynferðisofbeldi.
Stuðningur og ráðgjöf vegna kynferðisofbeldis
Á Norðurlandi er neyðarmóttaka fyrir þolendur kynferðisofbeldis á Sjúkrahúsinu á Akureyri. Þar er opið allan sólarhringinn, allt árið. Það kostar ekkert að fara þangað. Þú færð aðstoð, alveg sama hvaðan þú kemur og hvar þú býrð. Það getur verið gott að koma með einhverjum sem þú treystir.
Á neyðarmóttökunni vinna hjúkrunarfræðingar, félagsfræðingar, sálfræðingar og læknar sem geta hjálpað þér andlega og líkamlega.
Í skoðuninni er safnað sakargögnum sem hægt er að nýta ef þú ákveður að kæra. Til að auka líkurnar á að finna sakargögn er mikilvægt að koma eins fljótt og hægt er og ekki þvo þér eða fötin þín áður. Það er aldrei nein krafa um kæru.
Þú getur annað hvort komið beint eða hringt í síma 463 0800.
Símanúmer
Heimilisfang
Eyrarlandsvegur, 600 AkureyriAðgengi
Gott aðgengi fyrir hjólastóla.Tungumál
Tungumála- og táknmálstúlkun.
Neyðarmóttakan á Akureyri tekur vel á móti þér allan sólarhringinn.
Skoðun á neyðarmóttöku vegna kynferðisofbeldis
Áður en þú mætir á neyðarmóttökuna getur verið gott að vita við hverju þú mátt búast.
Kynferðislegt ofbeldi
Kynferðislegt ofbeldi er það þegar einhver káfar á þér eða fær þig til að gera eitthvað kynferðislegt sem þú vilt ekki gera. Kynferðisleg áreitni með orðum og látbragði er líka ofbeldi.
Byrlun
Þeir sem byrla öðrum gera það til að stjórna þeim sem er byrlað. Þetta er yfirleitt gert til að notfæra sér ástand viðkomandi, oft kynferðislega.
