Að áreita einhvern með óumbeðinni athygli eða samskiptum, hvort sem er í persónu eða gegnum síma, sem er ekki hætt þegar beðið er um er ofbeldi. Eltihrellar nota þessa hegðun til að ógna og stjórna annarri manneskju.

Eltihrellar geta verið ókunnugir en eru oftast tengdir manneskjunni á einhvern hátt, til dæmis fyrrverandi maki eða einhver sem er í reglulegum samskiptum við hana.

Ef einhver situr um þig, eltir, hótar þér eða fylgist með þér er sá eltihrellir (stalking) og kallast þessi hegðun umsáturseinelti.

Lesa viðtal við Ölmu sem var ofsótt í 10 ár

"Tilfinningin er eins og það sé alltaf einhver alveg upp við þig. En það er samt enginn. Þú finnur fyrir manneskjunni, en manneskjan er ekkert endilega þarna.                                     

Bylgja er nýflutt að heiman í litla en mjög kósí íbúð stutt frá háskólanum. Í fyrstu finnst henni leigusalinn vingjarnlegur og ...

Bylgja er nýflutt að heiman í litla en mjög kósí íbúð stutt frá háskólanum. Í fyrstu finnst henni leigusalinn vingjarnlegur og hjálpsamur en þegar hann fer að banka upp á oft í viku til að athuga eitthvað með íbúðina verður það fljótt uppáþrengjandi. Hún biður hann um að koma ekki óvænt en hann gerir það samt. Hann hringir líka stundum í hana til að spjalla. Hana langar að sleppa því að svara en óttast að símtalið sé eitthvað varðandi íbúðina.

Eitt kvöldið sýnist henni leigusalinn sitja reykjandi í bíl hinumegin við götuna. Þegar hún sér hann fyrir utan skólann sinn þorir hún ekki heim heldur fer til vinkonu sinnar.

Bylgja

Er þetta ofbeldi?