Það er ofbeldi þegar eldri og reynslumeiri manneskja tælir ungmenni til kynferðismaka. Tæling byrjar með því að vinna traust þolandans. Sá sem tælir gefur gjafir og peninga, hrósar og veitir athygli, deilir leyndarmálum og byggir upp samkennd. Samskiptin eru leynileg og þannig einangrast þolandinn.

Tæling getur verið í persónu eða á netinu, gegn börnum og ungmennum. Tælingu getur líka verið beitt gegn ungu fólki og fullorðnum einstaklingum í viðkvæmum stöðum.

Sexan fræðsla - Tæling

Lesa viðtal við Elísabetu sem var tæld af eldri manni

"Hann sagði að það mætti enginn komast að þessu vegna aldurs míns því hann yrði þá dæmdur og myndi mögulega missa vinnuna.

Þegar eldri manneskja tælir ungling eða viðkvæma manneskju til kynferðislegra athafna með blekkingu eða gjöfum kallast það tæling. Tæling er ofbeldi og er ólögleg.

Ingvar er 13 ára og æfir körfubolta. Nýi þjálfarinn hans er hress og unglegur þótt hann sé kominn yfir þrítugt...

Ingvar er 13 ára og æfir körfubolta. Nýi þjálfarinn hans er hress og unglegur þótt hann sé kominn yfir þrítugt. Þjálfarinn býður stundum strákunum heim til sín eftir æfingu að horfa á bíómyndir um körfubolta. Eitt skiptið mætir Ingvar bara einn og þá hrósar þjálfarinn honum og játar að Ingvar sé uppáhaldið hans.

Eftir það fara þeir að hittast einir og verða góðir vinir án þess að nokkur viti af því. Leyndarmálið veldur því að Ingvar fjarlægist vini sína og fjölskyldu. Þjálfarinn gefur honum föt og áfengi og nuddar hann oft eftir æfingar. Í eitt skiptið horfa þeir á klám saman og það endar í kynmökum. Ingvari finnst þetta spennandi en eitthvað er samt að naga hann. Hann langar að segja einhverjum frá en þorir því ekki núna.

Ingvar

Er þetta ofbeldi?