112 dagurinn

Neyðarlínan heldur upp á 112 þann 11. febrúar á hverju ári því að dagsetningin 11. 2. minnir okkur á neyðarnúmer allra landsmanna, 112. Það er mikilvægt að minna á þetta númer af því þetta er eina númerið sem landsmenn þurfa að þekkja í neyð.

Börn geta verið stórkostlegar fyrirmyndir þegar kemur að öryggi og forvörnum og verður því þema 112 dagsins 2025 Börn og öryggi.

Börn geta verið fyrirmyndir á marga vegu í daglegu lífi, eins og þegar þau ganga með endurskinsmerki eða eru með hjálm þegar þau hjóla. Þegar þau spenna beltin í bíl og auðvitað þegar þau minna fullorðna á að vera ekki í símanum við akstur. Börn eru líka aðstoðarmenn slökkviliðs í leik- og grunnskóla og eru frábærir innhringjendur þegar þau hringja í Neyðarlínuna.

Dagur íslenska táknmálsins er einnig haldinn hátíðlegur þann 11. febrúar ár hvert og verður dagskráin túlkuð á táknmáli.

Frá 112 deginum 2023

Dagskrá 112 dagsins

Sjá viðburðinn á Facebook.

Hvenær: þriðjudaginn 11. febrúar 2025, kl. 17-18

Hvar: Slökkvistöðin í Skógarhlíð 14, 105 Reykjavík

• Ávarp frá 112
• Verðlaun veitt í eldvarnargetraun Landssambands slökkviliðs- og sjúkraflutningamanna
• Skyndihjálparmanneskja ársins verður útnefnd af Rauða krossinum.

Neyðarverðir frá Neyðarlínunni verða á staðnum, Rauði krossinn mun sýna réttu handtökin við skyndihjálp, fulltrúar verða frá Slysavarnarfélaginu Landsbjörg, lögreglunni, slökkviliðinu og fleirum.

Einnig verða viðbragðsaðilar um land allt með uppákomur sem auglýstar eru í hverju bæjarfélagi fyrir sig.

Frá 112 deginum 2023