Stefna Neyðarlínunnar um samfélagslega ábyrgð

 

Samfélagsleg ábyrgð Neyðarlínunnar felst í að vinna að auknum lífsgæðum almennings með því að bjarga mannslífum og verja umhverfi, eignir og mannvirki landsmanna. Vel þjálfað og hjálpsamt starfsfólk stuðlar ennfremur að því að draga úr afleiðingum slysa og náttúruhamfara. Með starfsemi sinni sem og markvissum forvörnum og fræðslu skilar fyrirtækið miklum arði til samfélagsins.

• Neyðarlínan vill með stefnu sinni leggja sitt af mörkum til að auka jákvæð áhrif af starfsemi
  sinni samfélaginu til heilla.
• Samfélagsleg ábyrgð er samþætt stefnu og starfsháttum Neyðarlínunnar.
• Neyðarlínan er aðili að FESTU, stofnunar um samfélagsábyrgð.
• Fjallað er sérstaklega um samfélagsábyrgð í ársskýrslu fyrirtækisins.
  Verkefnin sem þessu tengjast má sjá hér að neðan en nánari útfærslu í viðaukum við skýrsluna.
• Fræðsla og kynningar á starfsemi NL í skólum, meðal eldri borgara og  heilbrigðisstarfsfólks
  (sjá viðauka VI).
• Að setja upp áætlun um sjálfbær og vistvæn fjarskiptakerfi (sjá viðauka VIII).
• Að miðla mikilvægum upplýsingum til viðskiptavina í gegnum samfélagsmiðla (sjá viðauka IX).
• Að setja NL almenna styrkjastefnu.
• Að starfsfólk NL geti aðstoða hjálpar- og eða góðgerðarsamtök einn vinnudag á ári
  (sjá viðauka X).