Sexan er stuttmyndakeppni sem Neyðarlínan hefur haldið síðan 2023 ásamt samstarfsaðilum.
Því miður verður ekki hægt að halda keppnina árið 2026. Fyrirkomulagið er í endurskoðun en stefnt er að því að keppnin komi aftur enn þá sterkari strax 2027.
Ekki hika við að hafa samband ef þið eruð með einhverjar spurningar.
Fyrirkomulag Sexunnar hefur verið einfalt. Þátttakendur fá fræðslu í skólum og/eða félagsmiðstöðvum og fá tækifæri til að búa til og skila inn tilbúinni stuttmynd, hámark 3 mínútur að lengd. Viðfangsefni keppninnar eru 4 birtingarmyndir stafræns ofbeldis:
Auk þess hefur verið opinn flokkur fyrir allt það sem þér finnst mikilvægt að allir krakkar í 7. bekk viti um.
Þátttakendur hafa haft frjálsar hendur með handritagerð, framkvæmd og eftirvinnslu. Hver skóli hefur mátt senda að hámarki 3 myndir í keppnina en dómnefnd skipuð fulltrúum ungmennaráðs, RÚV, MMS og kvikmyndagerðar valdi svo þrjár bestu stuttmyndirnar sem verða sýndar bæði í bíóhúsum, á vef UngRÚV og dreift í alla grunnskóla landsins sem fræðsluefni.
Vinningsmyndirnar 2025 voru sýndar í Bíóparadís á Barnakvikmyndahátíð í oktobór. Auk þess voru vinningsmyndirnar sendar í alla skóla á landinu og notaðar í fræðsluskyni fyrir 7. bekkinga.
Hér fyrir neðan er skýr og einföld útskýring á hvað tæling, nektarmynd, samþykki og slagsmál ungmenna er. Mundu að góð stuttmynd sýnir hvað krakkar geti gert til að hjálpa þeim sem verða fyrir stafrænu ofbeldi.
Við fengum krakka í sjöunda bekk til að útskýra hvað það þýðir að taka þátt í slagsmálum, senda nektarmynd, hvað tæling er og hvað er að fá samþykki. Ef þig langar að búa til stuttmynd um eitthvað annað sem þér finnst að allir krakkar í 7.bekk ættu að vita, þá er það líka hægt. Mundu bara að sagan verður að vera skýr og hafa byrjun, miðju (eitthvað sem gerist) og endi. Góð stuttmynd sýnir líka hvað krakkar geti gert til að hjálpa þeim sem verða fyrir stafrænu ofbeldi.
Allt sem þú þarft að vita til að búa til stuttmynd er að finna hér - stutt kennslumyndbönd um handritagerð, ljós, hljóð, kvikmyndatöku, leikstjórn, leikmynd, búninga og klippingu.
Stundum er maður ekki með á hreinu hvað er ofbeldi og hvað ekki. Hér er greinargóð skilgreining á stafrænu ofbeldi.
Til að verða flinkur í stuttmyndagerð, þá er stundum gott að spyrja þá sem kunna meira. Hér má finna spjall við helsta kvikmyndagerðarfólk þjóðarinnar, hvert í sínu fagi.
