112 mynd í afgreidsla erinda

Afgreiðsla erinda

Þegar hringt er í 112 birtist símanúmerið á skjá hjá Neyðarverði ásamt áætlun eða fyrstu tilgátu um staðsetningu á korti. Neyðarvörður spyr þá fyrst hvers eðlis erindið sé, fær staðsetningu og nánari upplýsingar eftir því sem eðli erindisins kallar eftir.

Gæðakerfi neyðarlínunnar innifelur hundruði verklagsferla, allt frá ferli um hvernig spyrja skal um staðsetningu atburðar að leiðbeiningum um fæðingu í bifreið.

Þessir ferlar eru innbyggðir í tölvukerfi Neyðarvarða, og er Neyðarvörður þannig studdur skref fyrir skref í viðleitni sinni til að komast sem hraðast að því hver sé nauðsynlegur forgangur viðbragðs og hver sé vettvangur neyðar. Þegar nægjanlegar upplýsingar liggja fyrir lætur kerfið vita að nú sé komið nóg til að velja réttu viðbragðsaðilana og boða þá í verkefnið.

 

Forgangsgreining

Greiningin F-1, F-2, F-3 og F-4 er notað í öllum tilfellum við greiningu á erindum, hvort sem er slys, eldur eða veikindi.

F stendur fyrir FORGANGUR og númeraröðin stendur fyrir mikilvægi.

 

Hér er stutt samantekt yfir almenna forgangsskiptingu í boðun viðbragðsaðila í gegnum 112.

 

F-1

Forgangur 1, er aðgerð sem skv. greiningarferlum neyðarvarða er metin í efsta forgang og sem lífsógn. Sjúkrabíll og/eða annað björgunarlið er sent í forgangsakstri. T.d. þar sem allt tiltækt björgunarlið væri með aðkomu, stóreldur, fjöldaslys eða einstaklingsslys með alvarlegum áverkum.

 

F-2

Forgangur 2 er aðgerð sem skv. greiningarferlum neyðarvarða er metin í næst efsta forgang. Sjúkrabíll og /eða annað björgunarlið er sent í forgangsakstri en aðeins í atburði án lífsógnar.

 

F-3

Forgangur 3 er aðgerð sem skv. greiningarferlum neyðarvarða er metin til afgreiðslu strax en án forgangs. Aðeins viðeigandi hluta björgunarliðs er kallaður til, staðbundin aðgerð sem krefst hvorki forgangs eða fjölda manns.

 

F-4

Forgangur 4 er aðgerð sem skv. greiningarferlum má fara í biðröð annarra verkefna hjá verkefnastjóra á varðstofu. Hefur hugsanlega ákveðin tímamörk í bakendann, svo sem vegna rannsókna eða aðgerða.'

 

 jafnlaunavottun4

 

Neyðarlínan ohf. - Skógarhlíð 14 - 105 Reykjavík - kt. 511095-2559 - sími 570 2000 - fax 570 2001 - neydarlinan(hjá)112.is
Varðstofa 112 - fax varðstofu 570 2031 - tölvupóstur varðstofu vakt112(hjá)112.is